19 ნოემბერს, BASSIANI წარმოგიდგენთ ახალ, მულტიფუნქციურ პლატფორმასა და კულტურულ სივრცეს SPACEHALL, რომლის მთავარი მუსიკალური ხაზი ელექტრონული მუსიკის სხვადასხვა ჟანრებთან ერთად, თანამედროვე ჟღერადობის ცოცხალი მუსიკა და საშემსრულებლო ხელოვნება იქნება.SPACEHALL მდებარეობს აკაკი წერეთლის #2-ში, კლუბ BASSIANI-ს გვერდით.
OMAR-S: დეტროიტ ტექნოს, ჰაუსის პიონერისა და ცოცხალი ლეგენდის Alex “Omar” Smith-ის მუსიკალური კარიერის დასაწყისი 2000' წლებს და მის მშობლიურ ქალაქს უკავშირდება, რომლის იმდროინდელ ეკონომიკურ, ტექნოლოგიურ თუ კულტურულ რეალობას OMAR-S-ის ისტორია საუკეთესოდ ასახავს. ცნობილია, რომ დეტროიტის სცენამ შექმნა ისეთი გენიალური არტისტები, როგორიცაა Derrick May, Carl Craig, Jeff Mills, Drexciya, თუმცა ახალი თაობის წარმომადგენელი OMAR-S-ის შემოქმედება დამოუკიდებლად ვითარდებოდა. კარიერის დასაწყისში, როდესაც ის მუსიკის კეთების პარალელურად ავტო ინდუსტრიაში იყო დასაქმებული, ცნობილმა ლეიბლებმა Djax-Up და Strictly Rhythm ჩანაწერები დაუწუნეს, რის შემდეგაც მუსიკოსმა პირველი რელიზი OMAR-S – 002 საკუთარ ლეიბლზე FXHE Records-ზე გამოსცა. Theo Parrish-თან კოლაბორაციას და Fabric Records-ისთვის ჩაწერილ ალბომს მის კარიერაში გადამწყვეტი მნიშვნელობა ჰქონდა, ხოლო 2007 წელს გამოსული სინგლი Psychotic Photosynthesis ონლაინ გამოცემა ,,Resident Advisor’’-მა ათწლეულის საუკეთესო ტრეკად დაასახელა. 2001 წლიდან მართავს FXHE Records, სადაც გამოიცემიან: M.Pittman, Kraftwerk, Luke Hess, Alex Smith, Kyle-Hall, Fit Siegel, Deepchord, Mr. Fingers, Octave One. მის შემოქმედებაზე დიდი გავლენა აქვს ფანკს და სოულს, რაც მუსიკოსის დიჯეი სეტებშიც აისახება.
⊙ https://www.residentadvisor.net/dj/omars
KVANCHI: DJ და პროდიუსერი
VAKHO: Vodkast Records-ს დამაარსებელი, დიჯეი და ვინილ კოლექტორი.
¿Hubo algún problema con el evento?
Ponerse en contacto con el servicio de asistencia de RA tickets